Un ley cu a shok mi y tin mi te awe geshok. Pero aki, ningun musca a bula. Increible Hulandesnan a pasa un ley cu aki na Hulanda ta prohibi di drumi cu cacho. Cu drumi nan kiermeen hasi sex.  Ami nunca no tabata sa cu tin tanto Hulandes ta drumi cu cacho. Asina tanto cu gobierno Hulandes ( 2009 Balkende III) a hañé obliga na traha y pasa un ley.

Bo por imaginabo cu 2 persona a protesta, nan ta haña cu "den mi cas" gobierno no tin nada di bisa. Prensa a keda keto keto. E otro hendenan a keda asina keto como si fueran..... culpable?.

E berguensa ta cu mundo awe por pensa cu ami, abo "nos" ta drumi cu cacho. Pasobra eyfo den e mundo aki "nos" ta "DUTCH" kier of nó!

Biba aki na Hulanda ta asina dushi pami. Mi ta disfruta tanto di e.o. e temporadanan Winter, Lente, Zomer y Herfst. Mira e cambionan aki di naturalesa pami ta asina interesante pero pa mira e cambio di humor di e Hulandesnan ta mas interesante. Un Hulandes ta cambia di humor segun seisoen.

Zomer ta e temporada cu ami ta cualifica, TIN ACTIVIDAD. Colornan ta biba, solo ta bria y manera fruminga bo ta mira tur hende ta sali di nan hol. Pero e mas obvio ta, cu nan ta sali cu masha hopi energia y fiesta ta e meta den zomer pa un Hulandes.

Mi tambe ta fiesta cunan

Cu fecuencia mi ta bay actividadnan of  fiestanan Hulandes publico pa asina siña conoce e cultura mihor. Y ta na un di e actividadnan aki mi a experencia otro "gedoe" cu un Hulandes grosero. Y den e caso aki mi ta hasi mi storia cortico. Para na e Bar wardando mi beurt pa por lo menos 10 min. Porfin mi a yega na beurt, un gay ta grita mi tras: "2 biertjes". Ami no a acepta cu ela pasa mi dilanti y ma informa e bartender pero tambe mi a dirigimi na e cabayero. Su contesta na mi tabata; "ja sorry, wij brutalen hebben de halve wereld". Imaginabo, hopi hende rond di e Bar dus e pilder ey ami no ta guli. Mi no a pensa dos bes y mi a conteste: "maar de ander helft is van mij".  E hendenan a hari e gayito y ami a haya mi beer "on the huis. "Kens bo a kere cu mi ta?

Cumpra algo aki na Hulanda tin biaha ta un HEL

P.e. Un simpel cama

1. Pa cuminsa bo mester zorg na midi e camber caminda bo mester pone bo cama, hopi Rubiano a hañanan cu camanan cu ta mas grandi cu e camber.

2. Pa bo haya un simpel cama pa bo drumi aden, bo mester cumpré, imaginabo, den 3 pida. NO nan NO ta bin hunto.

1. e frame (tin50 pa scohe) 2. e planki pa wanta e corchon (tin50 pa scohe) 3. e corchon (tin50 pa scohe).

3. Bo tin un auto pa tresenan bo cas? Sino saca placa, anto e suma ta  RIDICULO

4. Bo Cama completo ta na cas? Bo no ta cla ainda, bo mester sa arma e cama "do-it-bomes". Y si bo no por? Saca placa, anto sumanan RIDICULO atrobe.

Total di cuenta mescos cu hopi cos aki na Hulanda e cama cu bo a pensa cu lo salibo  200 EURO a costabo 600 EURO. Y pa colmo ora bo cama ta arma den bo camber bo ta subi internet y kiko bo ta mira riba Marktplaza? Un cama paresido na dibo pa 125 EURO anto NOBO kisas cu un rasca chikito.

Anto esey ta e momentonan cu ami ta pensa cu e mentalidad akinan ta; "Pakiko hasié fasil, siendo bo por hasié dificil".

Mi a caba di inscribi pa mi tambe cuminsa un blog. Mi ta sigur cu abo tambe lo siguimi. Keda pendiente di mi temanan!